Եկեք մի պահ անտեսենք Նիկոլ Փաշինյանի գռեհիկ բառապաշարն ու իր թերուս մտածողությանը հարիր «կռուտիտները» և ուշադրություն դարձնենք նրա իրական նպատակներին։ Եթե նա չլիներ այս աստիճան թերզարգացած, ապա թերևս կիմանար, որ երբ մեկը թքում է ուժեղ քամուն հակառակ, ապա սեփական թուքը հայտնվում է սեփական դեմքին, իսկ Փաշինյանն արդեն տևական ժամանակ է, ինչ թքում է քամուն հակառակ։
Բացի այդ, նման բառապաշարն այլևս բացի զզվանքից ոչ ոքի վրա որևէ ազդեցություն չի թողնում, ամեն ինչ շատ վաղուց ակնհայտ է։ Իրականում Նիկոլ Փաշինյանի կողմից այս բռնկումներն ունեն չորս նպատակ։
Առաջինը՝ ինչ գնով էլ լինի պահել իրեն հավատացողների օր-օրի փոքրացող քանակը, շեշտում եմ պահպանել, քանի որ ավելացնելը բացառվում է։ Երկրորդը՝ հարձակվելով Հայ Առաքելական Եկեղեցու վրա՝ շատ ուղղակիորեն կատարում է Թուրքիայի և Ալևի հրամանը։ Երրորդը՝ քանի որ նա չունի այլևս վստահություն հանրության շրջանում, ապա իշխանության պահմանման միակ հնարավորությունը բռնապետությունն է։ Եվ չորրորդը՝ օգտագործելով պատեհ առիթը՝ նա փորձում է լուծել նաև տնտեսական խնդիր, խլելով ՀԷՑ-ը Սամվել Կարապետյանի ձեռքից։
Նիկոլ Փաշինյանն այլևս խուսանավելու տեղ չունի, նա այսօր ֆեսբուքյան իր էջի վերջին «սրացումների» ժամանակ իր կամքից անկախ խոստովանեց, որ կուսություն, զավակներ, քեռու կին…այդ բոլորը դատարկ խոսքեր են, սոսկ պատրվակ՝ ոչ ցանկալի հոգևորականներից ազատվելու ու Հայ Առաքելական Եկեղեցին ամբողջովին իրեն, ավելի ճիշտ՝ Էրդողանին ու Ալևին ծառայեցնելու գործում։
Քանի որ եթե տեսականորեն ինչ-ինչ հոգևորականներ կարող էին խախտել «Կանոնագիրք Հայոց»-ը ու համարվել «պոռնկաբարո», ինչպես նշել է Փաշինյանը, ապա Սամվել Կարապետյանը կուսակրոնության որևէ ուխտ չէր կարող խախտած լինել, թեկուզ այն պարզ պատճառով, որ կուսակրոն չէ։
Ակնհայտ է, որ Նիկոլ Փաշինյանի այս գրառումներն արդյունք են Սամվել Կարապետյանի հայտարարություններին, որոնցում նա իր զորակցությունն էր հայտնում Հայ Առաքելական Եկեղեցուն։ Ավելին, նա շեշտել է. «Եթե քաղաքական գործիչներին չհաջողվի, ապա մենք մեր ձևով ենք միջամտելու Եկեղեցու դեմ արշավին»։
Պետք է փաստենք, որ քաղաքական գործիչներին առ այս պահը, կարծես, այնքան էլ չի հաջողվում կասեցնել Եկեղեցու դեմ ծավալվող արշավը։ Իհարկե հայտնի չէ, թե ինչ ձևեր նկատի ունի Սամվել Կարապետյանը, բայց կարծում եմ՝ մոտ ապագայում ականատեսը կլինենք այդ ձևերին, քանի որ հակառակ դեպքում Եկեղեցու դեմ արշավը վաղ թե ուշ կկասեցվի, բայց այդ ընթացքում տեղի կունենա ունեցվածքի վերաբաշխում։
Կա նաև սպասվելիք ազգային մեծագույն աղետի կանխազգացումը։ Իրան-Իսրայել հակամարտության այս ծանրագույն ֆոնին Նիկոլ Փաշինյանի լռությունը խիստ չարագուշակ է։ Դա խոսում է այն մասին, որ նա, կարծես, ստացել է որոշակի երաշխիքներ էսկալացիայի բացառման հետ կապված, իսկ այդ երաշխիքը կարող էր տրվել միայն մեծագույն զիջման դեպքում։ Այնպես որ, եթե Նիկոլ Փաշինյանը հանգիստ է, ուրեմն բոլորս պետք է անհանգիստ լինենք ու սպասենք մեր պատմության հերթական ողբերգական էջին։
Կարեն Կարապետյան