ԱՄՆ-ը նպատակ է հետապնդում ստիպել Իրանին կապիտուլյացիայի ենթարկվել՝ իր հետ նոր գործարք կնքելով, Թեհրանը մտադիր չէ բանակցություններ վարել ճնշման ներքո: Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին։
«ԱՄՆ նախագահը վերադարձել է Իրանի ժողովրդի վրա առավելագույն ճնշման քաղաքականությանը։ Ամենահետաքրքիրն այն է, որ Իրանի վրա աննախադեպ ճնշում գործադրելու հրամանագրի ստորագրմանը զուգահեռ նա հայտարարություններ է արել բանակցությունների պատրաստակամության մասին, քանի որ նրա նպատակը մեզ մոլորեցնելն է։
Ինչո՞ւ պետք է ԱՄՆ-ի հետ բանակցություններ վարենք ճնշման տակ։ Տրամաբանություն կա՞: Ո՞ր խելամիտ մարդը կհամաձայնի ճնշումների և սպառնալիքների տակ մտնել բանակցային գործընթացի մեջ։ Նրանց նպատակն այս բանակցություններում կապիտուլյացիան է։ Իրանը երբեք չի հանձնվի»։
Արաղչին ելույթ է ունեցել Թեհրանում Իսլամական հեղափոխության հաղթանակի 46-րդ տարեդարձին նվիրված տոնական միջոցառմանը։
Փետրվարի 4-ին Թրամփը գործադիր հրաման էր ստորագրել Իրանի վրա ԱՄՆ-ի առավելագույն ճնշումը վերականգնելու մասին։ Փաստաթուղթը նախատեսում է Վաշինգտոնի ակտիվացնել ջանքերը՝ ուղղված իրանական նավթի արտահանման կրճատմանը։
Սպիտակ տան ղեկավարը նաև պատրաստակամություն էր հայտնել հանդիպել Իսլամական Հանրապետության նախագահ Մասուդ Պեզեշքիանի հետ և Թեհրանի հետ «գերազանց գործարք» կնքել։