Բրիտանացի մայներ Ջեյմս Հաուելսը, ով մի քանի տարի անհաջող փորձում է գտնել 2013 թվականին կորցրած, բիթքոյններ պարունակող կոշտ սկավառակը, որոշել է գնել աղբավայր այնտեղ եղածով հանդերձ։
Նշվում է, որ տղամարդը որոշել է գնել աղբավայրը այն բանից հետո, երբ տեղական իշխանությունները հայտարարել են տարածքը փակելու իրենց որոշման մասին:
Տեղամասերից մեկը նախատեսվում է տեղափոխել արևային էներգիայի կայանի կառուցման համար։
Հիշեցնենք, որ մինչև 2013 թվականը բրիտանացուն հաջողվել էր արդյունահանել 8 հազար բիթքոյն։ Դրանք հայտնվել էին աղբանոցում այն բանից հետո, երբ Հոուելսի ընկերուհին սխալմամբ կոշտ սկավառակը պարունակող փաթեթը նետել էր աղբամանի մեջ:
Բրիտանացին այս ամբողջ ընթացքում փնտրել է սկավառակը։ Որոնումները կտրուկ ակտիվացել են մի քանի ամիս առաջ, երբ կորցրած բիթքոյնների արժեքը հասել է 750 միլիոն դոլարի։
Նյուպորտի քաղաքային խորհուրդը, որի հետ դատական քաշքշուկների մեջ է մայները, արդեն 9 անգամ մերժել է աղբավայրը պեղելու թույլտվությունը։ 2025 թվականի հունվարին դատարանը նույնպես անցել է իշխանությունների կողմը։
The Guardian