Չինաստանում 2024 թվականին գրանցված նոր ամուսնությունների թիվը հասել է ռեկորդային ցածր մակարդակի՝ չնայած կառավարության ջանքերին՝ խրախուսելու երիտասարդներին ամուսնանալ և երեխաներ ունենալ։ Այս մասին գրել է «CNN»-ը։

2024 թվականին Չինաստանը գրանցվել է 6,1 միլիոն ամուսնություն, ինչը 20,5 տոկոսով պակաս է 2023 թվականի համեմատ և ամենացածրն այն բանից հետո, երբ նախարարությունը սկսել էր հրապարակել վիճակագրությունը 1986 թվականին:

Հրապարակված վիճակագրության համաձայն՝ արձանագրվել է նաև ամուսնալուծությունների թվի աճ։ 2024 թվականին գրեթե 2,82 միլիոն զույգ ամուսնալուծության հայց է ներկայացրել․ 28 հազարով ավելի, քան նախորդ տարի։

Ազգագրագետ Հե Յաֆուն կարծում է, որ ամուսնությունների նվազումը վկայում է ծնելիության հետագա անկման մասին 2025 թվականին: Նա ասել է, որ վերարտադրողական տարիքի կանանց թվի նվազումը, ծնելիության ցածր մակարդակը և ամուսնությունը հետաձգելու միտումը սրում են երկրի ժողովրդագրական ճգնաժամը: