Հարավային Կորեայի մայրաքաղաք Սեուլում տեղի իշխանությունները ներկայացրել են հելոուինյան տոնակատարությունների ժամանակ զոհերի, վիրավորների մասին նոր տվյալներ: Ըստ այդմ՝ այսօր երեկոյան տեղի ունեցած ողբերգական միջադեպի զոհ է դարձել 146 մարդ, տուժել է 150-ը:

Հատկանշական է, որ մարդիկ շարունակել են զվարճանալ՝ չնայած մայրաքաղաքի կենտրոնում տեղի ունեցած ողբերգությանը։

Սոցցանցերում ականատեսները կադրեր են հրապարակում, որտեղ մարդիկ պարում են անմիջապես շտապօգնության մեքենաների դիմաց։ Նման պահվածքի համար Կորեայի բնակիչները քննադատությունների են արժանացել:

Ավելի վաղ հայտնել էինք 120 զոհի մասին:

Միջադեպը տեղի է ունեցել Իթհևոն շրջանում։ Հաղորդվում է, որ հրմշտոցի ժամանակ մի քանի տասնյակ մարդ սրտի կանգ է ունեցել: Ընդհանուր առմամբ, շտապօգնության ծառայությունները 81 ահազանգ են ստացել քաղաքացիներից, որոնք դժգոհել են շնչելու դժվարություններից:

Դեպքի վայրում աշխատում են արտակարգ իրավիճակների ծառայությունները:

Տեսանյութը՝ այստեղ․