Տեղի է ունեցել իրավական գործընթաց և իրավական գործընթացը տվել է իր եզրակացությունն ու արդյունքը։ Այս մասին այսօր ԱԺ-ում ճեպազրույցների ժամին լրագրողների հետ զրույցում ասաց ՔՊ խմբակցության քարտուղար Արթուր Հովհաննիսյանը։
Հիշեցնենք, որ անցած տարի Անկախության օրը «Եռաբլուր»-ում Նիկոլ Փաշինյանի ճանապարհը փակած զոհվածների ծնողներին ուժով բերման ենթարկելու գործը ավելի քան մեկ տարվա քննությունից հետո կկարճվի: Քննիչն առաջարկել է դատախազին քրեական հետապնդում չհարուցել ոստիկանների դեմ։
Ոստիկանների գործողություններում իրավապահները հանցակազմ չեն գտել և դատախազությունը որոշել է քրեական հետապնդում չհարուցել նրանց նկատմամբ։
«Ողջ գործընթացը տեղի է ունեցել, և մեր մոտեցումն այն է, որ ամեն ինչ տեղի ունենա օրենքի ներքո, ինչպես և տեղի է ունեցել։ Ոչ մի գործ չի կոծկվում, ծածկադմփոց չի լինում»,- նշեց ՔՊ-ական պատգամավորը։
Դիտարկմանը, երբ կարմիր բերետավորները քաղաքացուն ձեռքերից, ոտքերից բռնած տանում ու դնում են ասֆալտին, դա նորմա՞լ երևույթ է, ՔՊ խմբակցության պատգամավոր Գևորգ Պապոյանը պատասխանեց՝ եթե այդտեղ հանցակազմ են տեսնում, կարող են նորից դիմել իրավապահ մարմիններին։
«Մենք որևէ խնդիր չունենք այս կամ այն հարցի շուրջ խորանալու»,- ասաց Պապոյանը։
Մանրամասները՝ տեսանյութում