Մենք հիմա մի գործընթացի մեջ ենք, որտեղ մի կողմում միջազգային հանրությունն է՝ ԱՄՆ, ԵՄ, Ֆրանսիա, Գերմանիա, որոնք առաջարկում են մի գործընթաց, որի տրամաբանությանը ՀՀ-ն ամբողջապես համաձայն է։ Բայց այդ գործընթացը ունի մեկ այլ կողմ, որը Ադրբեջանն է։ Ադրբեջանի ապակառուցողական դիրքորոշումները կարող են որոշակիորեն խնդիրներ առաջացնել։ Այս մասին այսօր ԱԺ-ում ճեպազրույցի ժամանակ ասաց ՔՊ խմբակցության պատգամավոր Գևորգ Պապոյանը՝ խոսելով Ադրբեջանի կոշտ արձագանքների մասին։
«Սա դիվանագիտական ծանր աշխատանք է։ Եվ այդ աշխատանքը ենթադրում է, որ մենք պետք է շարունակենք այդ ուղղությամբ աշխատել, որպեսզի գնանք խաղաղության պայմանագրի ճանապարհով։ Բնականաբար, խոչընդորտներ կան, եթե չլինեին, գուցե այսօր կնքված լիներ պայմանագիրը»,- ասաց Պապոյանը։
Մանրամասները՝ տեսանյութում