Մեծ Բրիտանիայի վարչապետի պաշտոնի համար կպայքարի երկու թեկնածու: Այսօր խորհրդարանում պահպանողականները վերջնական քվեարկությամբ ընտրել են վարչապետի երկու թեկնածուներին:
Առավել քվեներ է ստացել ֆինանսների նախկին նախարար Ռիշի Սունակը, նրա օգտին 137 ձայն է տրվել, երկրորդը՝ 113 ձայնով, արտաքին գործերի նախարար Լիզ Թրասն է: Ամառվա վերջին նախատեսված է համազգային քվեարկություն, որով կպարզվի պահպանողականների լիդերի և նոր վարչապետի անունը: Քվեարկությանը կմասնակցեն պահպանողական կուսակցության անդամները, որոնց թիվը Բրիտանիայում հասնում է 200 հազարի:
Քվեարկության արդյունքները կհրապարակվեն սեպտեմբերի 5-ին: Իսկ հեռացող Բորիս Ջոնսոնը, որպես վարչապետ, այսօր խորհրդարանում մասնակցել է իր վերջին հարցուպատասխանին և հեռացել հանրահայտ «Տերմինատոր» ֆիլմում հնչած արտահայտությամբ՝ Hasta la vista, baby: