Եվրոպական միությունում մասնավորապես կազմվելու է արտակարգ ծրագիր, որով պետք է մեկ ամսվա ընթացքում կրճատվի գազի սպառումը և անդամ երկրներին զգուշացվի այն մասին, որ եթե Ռուսաստանը դադարեցնի մատակարարումը, Եվրոպայում, առանց գազի սպառման էական կրճատումների, ձմռան ամիսներին կարող է ճգնաժամ լինել:
Եվրոպական երկրներն այսօր փորձում են առավելագույն ծավալով լցնել գազապահեստարանները: «Գազպրոմ»-ն արդեն դադարեցրել է եվրոպական որոշ երկրների մատակարարումը: Ուժի մեջ մտնելուց առաջ այդ ծրագիրը պետք է ստանա Եվրամիության անդամ երկրների հավանությունը, քանի որ ամեն երկիր ինքն է պատասխանատվություն կրում իր էներգետիկ քաղաքականության համար: Դրան զուգահեռ «Գազպրոմը» հայտնել է, որ պատրաստվում է հինգշաբթի օրը Հյուսիսային հոսք գազատարով վերականգնել գազի մատակարարումները Գերմանիա, բայց ոչ ամբողջական ծավալով: