ԱՄՆ պաշտպանության նախարար Լլոյդ Օսթինը կարծում է, որ Ուկրաինայում հակամարտությունն ավարտական փուլում է։ Պենտագոնի ղեկավարը նշել է, որ այս վճռորոշ փուլում Արևմուտքի կողմից Կիևի հավաքական աջակցությունը «կենսական նշանակություն» ունի։ Այս մասին Օսթինը հայտարարել է հուլիսի 20-ին արևմտյան երկրների կողմից ստեղծված խմբի նիստում, որը համակարգում է Ուկրաինային ռազմական օգնության տրամադրումը։
«Մենք խոսում ենք հակամարտության վճռական փուլի մասին։ Ուստի, մեր հավաքական աջակցությունն Ուկրաինային կենսական նշանակություն ունի և պետք է հրատապ լինի։ Խումբը կշարունակի նորարարական ուղիներ գտնել Ուկրաինայի զինված ուժերին երկարաժամկետ աջակցություն տրամադրելու համար»,- ասել է Պենտագոնի ղեկավարը։