Եվրամիության (ԵՄ) հակառուսական պատժամիջոցների յոթերորդ փաթեթն ուժի մեջ կմտնի հուլիսի 21-ին՝ պաշտոնական տեղեկագրում հրապարակվելուց անմիջապես հետո։ Այս մասին հուլիսի 20-ին հայտնել է կազմակերպության Չեխիայի նախագահությունը Twitter-ի իր միկրոբլոգում:
«Այս փաթեթը գրավոր ընթացակարգով կհաստատվի ԵՄ խորհրդի կողմից, որը կավարտվի վաղը ժամը 10.00-ին։ Պատժամիջոցներն ուժի մեջ կմտնեն վաղը ԵՄ պաշտոնական տեղեկագրում հրապարակվելուց հետո»,- ասել է պատվիրակությունը։
Նույն օրը ավելի վաղ հայտնի էր դարձել, որ սահմանափակումների նոր ցանկը կներառի Ռուսաստանից ոսկու էմբարգոն։