ԱՄՆ նախագահ Դոնալդ Թրամփը Չինաստանի համար ներմուծման մաքսատուրքեր է սահմանել՝ ռեկորդային 600 մլրդ դոլարի։
«Ես Չինաստանի վրա շատ զգալի մաքսատուրքեր եմ սահմանել՝ 600 միլիարդ դոլարի չափով։ Ոչ մի այլ նախագահ այդքան շատ չի սահմանել»,- ասել է Թրամփը Սպիտակ տանը մամուլի ասուլիսի ժամանակ։
Չինաստանն արդեն արձագանքել է Թրամփի գործողություններին՝ ամերիկյան վարչակազմի որոշումը համարելով միակողմանիության և պրոտեկցիոնիզմի արտահայտություն: Պեկինը կոչ է արել վերջ տալ «զրոյական գումարով խաղի» մտածելակերպին։
Չինաստանի արտաքին գործերի նախարարը Վան Ին Մյունխենում հայտարարել է, որ Պեկինը ստիպված կլինի համարժեք քայլեր ձեռնարկել ու կգնա մինչև վերջ, եթե Վաշինգտոնը շարունակի ճնշման քաղաքականությունը։
Նա դատապարտել է Չինաստանի նկատմամբ մաքսատուրքերի սահմանումն ու հույս հայտնել, որ երկու երկրները կհամագործակցեն: