Իր կախվածությունը ռուսական բնական գազից արագորեն նվազեցնելու Իտալիայի ձգտումը երկիրն ավելի քիչ խոցելի է դարձրել մատակարարումների խափանումների նկատմամբ, չորեքշաբթի ասել է վարչապետ Մարիո Դրագին՝ նշելով, որ երկիրը ձմռանն ընդառաջ կուտակել է գազի իր պաշարների 80 տոկոսը եւ պատրաստվում է մինչեւ հոկտեմբեր այն հասցնել 90 տոկոսի, հայտնում է AP-ը:

Դրագիի խոսքով՝ Իտալիան կրճատել է իր կախվածությունը ռուսական բնական գազից՝ անցյալ տարի 40 տոկոսից մինչեւ կեսը՝ Ալժիրից մինչեւ Ադրբեջան երկրներում նոր աղբյուրներ գտնելով։ Այս վառելիքն օգտագործվում է տները տաքացնելու եւ հովացնելու, էլեկտրաէներգիա արտադրելու եւ գործարաններ աշխատեցնելու համար:

Նա հավելել է, որ Իտալիան կարող է լիովին անկախանալ Ռուսաստանից մինչեւ 2024 թվականի աշուն, եթե երկու նոր վերագազիֆիկացման գործարան հիմնի։

«Ռուսական գազից հեռու դիվերսիֆիկացիայի մեր նպատակը հիմք ուներ, որ քաղաքացիները եւ ձեռնարկությունները վստահ լինեն մատակարարումների կայունության հարցում»,- ասել է Դրագին:

Հիշեցնենք, որ Իտալիայի վարչապետը հրաժարական է տվել հուլիսին այն բանից հետո, երբ աջակողմյան հիմնական կուսակցությունները հրաժարվել են նրա կառավարությանն աջակցել:

Նա պաշտոնավարում է մինչեւ սեպտեմբերի 25-ին կայանալիք խորհրդարանական ընտրություններից հետո նոր կառավարության ձեւավորումը։