Բնապահպանական նախագծերի շրջանակում ՆԱՏՕ-ի` Բրյուսելում տեղակայված կենտրոնակայանն իր տարածքում չորս մեղվափեթակ է տեղադրել: Այս մասին հայտնում է դաշինքի կայքը:

«Սեզոնի ընթացքում յուրաքանչյուր փեթակ արտադրում է մոտ 80-100 կիլոգրամ մեղր, որի մեծ մասը մնում է մեղուների կենսագործունեության ապահովման համար: Յուրաքանչյուր փեթակից մեղվաբույծները տարեկան հավաքում են մոտ 25 կիլոգրամ մեղր», – ասվում է հաղորդագրության մեջ:

Փեթակների տեղադրման նախագիծը Հյուսիսատլանտյան դաշինքի կենտրոնակայանում մեկնարկել է 2020 թվականին, հաջողության արդյունքում 2022-ին դրանց թիվը կրկնապատկվել է: