Նիկոլ Փաշինյանի հայտարարածը խաղաղության պայմանագիր չէ, հստակ կապիտուլյացիա է, եթե դա ստորագրվի, աղետալի և ողբերգական հետևանքներ կլինեն։ Այս մասին այսօր հրավիրված ասուլիսի ժամանակ ասաց ՀՅԴ Հայաստանի Գերագույն մարմնի ներկայացուցիչ, «Հայաստան» խմբակցության պատգամավոր Իշխան Սաղաթելյանը։
«Մեր գլխավոր խնդիրն այս պահին այն է, որ այդ փաստաթուղթը չստորագրվի։ Դրա համար պետք է ընդվզումը կազմակերպենք, ժողովրդին պետք է պայքարի դուրս բերենք։ Մեր առաջիկա քայլերը, գործողությունները դրան են ուղղված լինելու։ Եթե երկրի ներսոսւմ պայքար չլինի, իշխանությունն էլ մտածի, որ կարա էդ փաստաթուղթը ստորագրի և մարսի, իրենք ստորագրելու են»,-ասաց նա։
Հարցին, թե երբ է նախատեսվում այդ պայքարը, վերջինս պատասխանեց, որ պետք է իրենց բոլոր գաղափարները քննարկեն խորհրդարանական և արտախորհրդարանական առողջ ուժերի հետ։
«Ամբողջացնելու ենք էս ամենը և դուրս կգանք պայքարի։ Կոնկրետ օր, ժամ, տեղ էս պահին չեմ կարող ասել, բայց որ ամբողջ ուժերով և ծավալով լծվելու ենք այս գործին, այդ մասին շատ հստակ հայտարարել ենք»,-շեշտեց Սաղաթելյանը։
Մանրամասները՝ տեսանյութում