Արտադատական կարգով հարց լուծելը չի կարող պետական քաղաքականության գիծ լինել։ Այդ մասին այսօր Ազգային ժողովում լրագրողների հետ զրույցում ասաց ԱԺ նախագահ Ալեն Սիմոնյանը` անդրադառնալով «Նեմեսիսի» վրիժառուների հուշարձանի տեղադրմանը և Թուրքիայի արձագանքին։
Նրա խոսքով՝ արձանի տեղադրումը սխալ էր։
«Չասեք, որ այնտեղ դատարանի որոշում կա, դա մեր դատարանի որոշումը չէ, իսկ արտադատական կարգով հարցեր լուծելը որևէ պետություն կամ պետության ներկայացուցիչ չի կարող խրախուսել»,- շեշտեց նա։
Ըստ Ալեն Սիմոնյանի՝ այնուամենայնիվ, «Նեմեսիսի» արձանի տեղադրման հարցի օգտագործումը Թուրքիայի կողմից ընդամենը առիթ էր։ Ինքն էլ կարող էր միլիոնավոր պատճառներ գտնել Թուրքիա չայցելելու համար, բայց չարեց դա։
«Եթե Թուրքիայի կողմից կամքը կա, իսկ ես այդ տպավորությունն ունեմ, հարաբերությունները կարգավորելու եզակի, պատմական հնարավորություն է սա, և մենք պատրաստ ենք, մեծ քննադատությունների միջով անցնելով անգամ, ՀՀ-ին երկարատև խաղաղություն բերել»,- նշեց Սիմոնյանը։
Մանրամասները՝ տեսանյութում։