Եվրահանձնաժողովը դատի կտա Հունգարիային նույնասեռականության քարոզն արգելող օրենքի պատճառով, տեղեկացրել է Politico-ն՝ հղում կատարելով Népszava հունգարական թերթին։
Հունիսին ընդունված օրենքը տագնապեցրել է ԼԳԲՏ հանրույթին, քանի որ այն արգելում է այնպիսի նյութերի օգտագործումը, որոնք քարոզում են նույնասեռականություն եւ սեռափոխություն դպրոցներում՝ որպես երեխաների հետ դաժան վերաբերմունքի կանխման միջոցներ։
Կառավարող «Ֆիդես» քրիստոնեա-դեմոկրատական կուսակցության կառավարությունը հայտարարել է, որ ԼԳԲՏ հանրույթի իրավունքները եւ նմանատիպ սոցիալական հարցերը պետք է լուծեն ազգային կառավարությունները։ Կառավարությունը հայտարարել է, որ օրենքն ուղղված է երեխաների պաշտպանությանը, այլ ոչ թե ԼԳԲՏ հանրույթի դեմ։