ԱՄՆ նախագահ Ջո Բայդենն ուրբաթ օրը Իսրայելից ժամանել է Սաուդյան Արաբիա։ Սա նախագահի առաջին պաշտոնական այցն է այս երկեիր։։ Այս մասին հայտնում է Al Arabiya հեռուստաալիքը։

Երեկոյան Բայդենը և թագավոր Սալման բեն Աբդուլազիզ Ալ Սաուդը կհանդիպեն Ջիդայի Խաղաղության պալատում։ Ուրբաթ օրը նախատեսված են նաև Սպիտակ տան ղեկավարի և թագաժառանգ արքայազն Մուհամմեդ բեն Սալմանի բանակցությունները։ Միաժամանակ չի բացառվում թագաժառանգի ներկայությունը միապետի հետ Բայդենի հանդիպմանը։

Տարածաշրջանային և միջազգային վերլուծաբանների համաձայն, Բայդենի այցը թագավորություն խորհրդանշում է Էր-Ռիադի հետ լավ հարաբերությունները վերականգնելու և կորցրած հավասարակշռությունը վերադարձնելու Վաշինգտոնի ցանկությունը։