Շվեդիան դադարեցնում է բոլոր ուղղակի համագործակցությունները Վրաստանի իշխանությունների հետ, հայտարարել է Շվեդիայի արտաքին առևտրի և զարգացման նախարար Բենջամին Դուսան։
Ավելի վաղ ԵՄ երկրների եվրոպական հարցերով 13 նախարարներ, այդ թվում՝ Շվեդիան, Գերմանիան, Չեխիան, Դանիան, Էստոնիան և Ֆինլանդիան, հայտարարել էին, որ իրենց անհանգստացնում է Վրաստանում տիրող իրավիճակը ընտրությունների ժամանակ ենթադրյալ խախտումների պատճառով։
«Մենք նաև խոսում ենք հարկային մարմինների միջև համագործակցության մասին, որը մենք համարում ենք անհարիր ներկա պայմաններում»,- ասել է Դուսան Dagens Nyheter թերթին։
Նախարարը պարզաբանել է, որ Շվեդիայի իշխանությունները կարող են վերսկսել համագործակցությունը Վրաստանի հետ, եթե երկիրը կրկին «մերձենա ԵՄ-ին»։