Դրամի փոխարժեքը՝ այսօր
Եղանակը՝ այսօր
Միջազգային

Գերմանիայում գործադուլ են անում Volkswagen-ի և BMW-ի աշխատակիցները

Blog Image

Գերմանիայում գործադուլներ են սկսվել մետալուրգիական և էլեկտրական արդյունաբերության աշխատողների կողմից, գործադուլ են անում նաև Volkswagen (VW) և BMW ավտոարտադրողների աշխատակիցները, հայտնում է Bild-ը։

«Երեքշաբթի գիշերը IG Metall արհմիությունը սկսել է բողոքի ցույցերի առաջին ալիքը Գերմանիայի մետալուրգիական և էլեկտրական արդյունաբերության ոլորտում»,- ասվում է նյութում՝ արհմիությանը հղումով։

IG Metall-ի տվյալներով՝ փակման առջեւ կանգնած Volkswagen գործարանի 250 աշխատակիցներ Օսնաբրյուկում մասնակցում են նախազգուշական գործադուլին։ Ռեգենսբուրգում աշխատակիցները նույնպես հավաքվել են BMW գործարանի դիմաց՝ պաստառներով։ Այսօր կեսօրին Ինգոլշտադտում Audi գործարանում գործադուլ է սպասվում։

Հանովերում մարտկոցներ արտադրող Clarios ընկերության շուրջ 200 աշխատակիցներ նույնպես գործադուլ են հայտարարել՝ իրենց հետ բերելով ջահեր ու ցուցապաստառներ։ Jensen GmbH-ի, KSM Castings Group-ի, Robert Bosch-ի, Waggonbau Graaff-ի և ZF CV Systems-ի մոտ 400 աշխատակիցներ Հիլդեսհայմում գործադուլ են անում:

Գործատուների հետ բանակցությունների ընթացիկ փուլի հիմնական պահանջը աշխատավարձի յոթ տոկոսով բարձրացումն է, ինչպես նաև վերապատրաստվողների աշխատավարձը 170 եվրոյով։ Միությունը նման միջոցների անհրաժեշտությունը բացատրում է Գերմանիայում գնաճով: 

Send