Արաբական Միացյալ Էմիրությունների (ԱՄԷ) նախագահ Մուհամմեդ բեն Զեյդ Ալ Նահյանը բանակցություններ է վարել ՌԴ Անվտանգության խորհրդի քարտուղար Սերգեյ Շոյգուի հետ՝ ցանկություն հայտնելով զարգացնել ռազմավարական գործընկերությունը Ռուսաստանի հետ բոլոր մակարդակներում, բանակցություններից հետո հայտնել է WAM լրատվական գործակալությունը։
«ԱՄԷ նախագահն իր բարեմաղթանքները փոխանցել է ՌԴ նախագահ Վլադիմիր Պուտինին՝ հաստատելով երկու երկրներին տարբեր մակարդակներում միավորող ռազմավարական գործընկերություն զարգացնելու փոխադարձ ցանկությունը»,- նշել է գործակալությունը։
Նրա խոսքով, Շոյգուն և ԱՄԷ նախագահը մտքեր են փոխանակել տարածաշրջանում և աշխարհում տեղի ունեցող իրադարձությունների վերաբերյալ։