MediaHub-ի տեղեկություններով՝ քիչ առաջ Հակակոռուպցիոն կոմիտեն ձերբակալել է փաստաբան Արմեն Օհանյանին։ Նա քաղաքացիական և վարչական գործերով զբաղվող փաստաբան է։
Օհանյանին ձերբակալել են այն գործի շրջանակներում, որով այս պահին Հակակոռուպցիոն կոմիտեն քննչական գործողություններ է իրականացնում Վարչական դատարանի դատավորներ Լուսինե Բոյաջյանի, Մհեր Պետրոսյանի և Արգիշտի Ղազարյանի աշխատասենյակներում, նաև բնակարաններում։ Մասնավորապես, Օհանյանը ձերբակալվել է Վարչական դատարանի նախկին նախագահ Արգիշտի Ղազարյանի աշխատասենյակում կատարված խուզարկության դեպքով։
Նշենք, որ Հակակոռուպցիոն կոմիտեից MediaHub-ին հայտնեցին, որ դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում։
Վահե Մակարյան