MediaHub-ը տեղեկացրել է, որ Հակակոռուպցիոն կոմիտեն այս պահին խուզարկություններ է իրականացնում Վարչական դատարանի մի շարք դատավորների՝ Լուսինե Բոյաջյանի, Մհեր Պետրոսյանի և Արգիշտի Ղազարյանի աշխատասենյակներում։ Քննչական գործողություններն իրականացվում են նախկինում նախաձեռնված քրեական վարույթի շրջանակներում։
Քիչ առաջ Հակակոռուպցիոն կոմիտեից MediaHub-ին հայտնեցին, որ դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում։
Ձերբակալվել են մի շարք անձինք, այդ թվում՝ փաստաբան։ Նախաքննության շահերից ելնելով՝ այս պահին այլ տեղեկատվություն չեն հայտնում։
Վահե Մակարյան