Քիչ առաջ տեղեկություններ տարածվեցին, թե վաղ առավոտյան ձերբակալվել են Վարդենիս խոշորացված համայնքի ավագանու «Միասնական Վարդենիս» խմբակցության ղեկավար Դավիթ Շահնազարյանը և Սոթքի ղեկավար Սևակ Խաչատրյանը։

MediaHub-ի հետ զրույցում Հակակոռուպցիոն կոմիտեի մամուլի քարտուղար Մարինա Օհանջանյանը հայտնեց․ «Նշված անձինք՝ Դավիթ Շահնազարյանը և Սևակ Խաչատրյանը չեն ձերբակալվել, քննվող քրեական վարույթի շրջանակում նրանց մասնակցությամբ կատարվում են քննչական գործողություններ»։

Նշենք, որ մեզ չհաջողվեց կապ հաստատել ո՛չ Շահնազարյանի, ո՛չ Խաչատրյանի հետ, նրանց հեռախոսներն անհասանելի են:

Մարիաննա Արամյան