Այսօր՝ օգոստոսի 6-ին՝ ժամը 06։42-ին, Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Արմավիրի մարզի Վաղարշապատ քաղաքի Սպանդարյան փողոցի շենքերից մեկում։
Պարզվել է, որ հրդեհը բռնկվել է շենքի երրորդ հարկի բնակարաններից մեկում։
Mediahub-ի հետ զրույցում Վաղարշապատ համայնքի ղեկավարի մամուլի քարտուղար Ռոզա Կարապետյանը նշեց, որ կրակը մարվել է մոտավորապես 2,5-3 ժամ հետո։ Տարհանել են ընտանիքի անդամներին և 4-րդ հարկի մի բնակչի։
Հրդեհի պատճաների մասին Կարապետյանը դեռևս մանրամասներ չհայտնեց, սակայն նշեց, որ համայնքապետարանի աշխատակիցները պետք է այցելեն և տեղում ծանոթանան խնդրին և գույքագրեն առկա վնասները։
Նշենք, որ այրվել են բնակարանի խոհանոցը և հյուրասենյակը (մոտ 50 քմ)՝ գույքով․ փրկարարները շենքից տարհանել էին 7 քաղաքացու։
Էմմա Մարտիրոսյան