Ամբողջ օրը թաց կոշիկներ կրելը կարող է հանգեցնել սնկային վարակների, կոշտուկների և այլ բարդությունների զարգացման, զգուշացրել է բժիշկ Ալեքսանդրա Ֆիլյովան։
«Երբ ոտքերի մաշկը երկար ժամանակ շփվում է խոնավ միջավայրի հետ, ստեղծվում են իդեալական պայմաններ սնկային վարակների զարգացման համար: Candida սնկերը և դերմատոֆիտները՝ մաշկային հիվանդություններ առաջացնող բորբոսասնկերը, ակտիվորեն բազմանում են խոնավ միջավայրում՝ առաջացնելով քոր, թեփոտում, ճաքեր և տհաճ հոտ», - Life.ru-ին ասել է բժիշկը։
Ֆիլյովան նշել է, որ թաց կոշիկները նպաստում են մաշկի վնասմանը և մեծացնում բակտերիալ վարակների ռիսկը, հատկապես թուլացած իմունիտետ կամ շաքարախտ ունեցող մարդկանց մոտ։
Բացի այդ, ոտքերի հիպոթերմիան կարող է առաջացնել շնչառական վարակներ և քրոնիկ հիվանդությունների սրացում, ինչպիսին է ցիստիտը։