Գեղեցիկ տեսք ունեցող ելակները կարող են թաքցնել տհաճ գաղտնիքներ, զգուշացրել է բժիշկ Եկատերինա Սիսոեւան «ՌԻԱ Նովոստի»-ին տված հարցազրույցում։
Սիսոեւայի խոսքով՝ ելակը, ձմերուկը, կեռասը և ծիրանը կարող են պարունակել նիտրատներ՝ ազոտաթթվի աղեր, որոնք օգտագործվում են գյուղատնտեսության մեջ՝ բանջարեղենի և մրգերի աճը բարելավելու համար։ «Բավականին հեշտ է որոշել, թե արդյոք ապրանքը պարունակում է նիտրատներ, տագնապալի նշան է կատարյալ միրգը, առանց կետերի, բծերի, որը փայլում է»,- բացատրել է բժիշկը։
Բացի այդ, ելակի համի և հոտի բացակայությունը վկայում է նիտրատների մասին։ Համոզվելու համար, թե արդյոք մրգի մեջ նիտրատներ կան, Սիսոեւան առաջարկել է թեստ անցկացնել, որը հետաքրքիր կլինի ինչպես մեծերի, այնպես էլ երեխաների համար։
Նա բացատրել է, որ պետք է կտրել մրգի մի կտորը, դնել մի բաժակ ջրի մեջ և հետևել ռեակցիային. եթե ջուրը գունավոր է, ապա արտադրանքը պարունակում է անցանկալի քիմիական տարրեր և չի կարելի ուտել, քանի որ բնական միրգը կամ հատապտուղները նման ռեակցիա չեն տալիս։
Ելակի մակերեւույթից վերամշակման հետքերը հեռացնելու համար թերապեւտը խորհուրդ է տվել ուտելուց առաջ հատապտուղը թողնել սառը ջրում առնվազն 20 րոպե։