Քիչ առաջ եկեղեցականներին ու հանուն Հայ Առաքելական եկեղեցու պայքարող քաղաքացիներին հաջողվեց Միքայել արքեպիսկոպոս Աջապահյանին չթողնել ԱԱԾ մեքենա նստել ու թույլ չտալ, որ նրան տանեն։ Դրանից հետո նրանք նաև փակեցին Մայր Աթոռի դարպասները, որպեսզի որևէ հոգևորականի բերման ենթարկել չհաջողվի։
Չնայած դրան, ԱԱԾ ու Ոստիկանությունը շարունակում են ուժեր կուտակել Մայր Աթոռի տարածքում, որպեսզի կարողանան բերման ենթարկել Միքայել Սրբազանին։ Հիշեցնենք, որ փաշինյանահպատակ դատախազությունը քրեական գործ է հարուցել Միքայել արքեպիսկոպոս Աջապահյանի դեմ, իբր թե վերջինս փորձել է իշխանություն զավթել։
Նշենք, որ Միքայել Սրբազանն այսօր Էջմիածնում էր՝ մասնակցելու Քահանայաց ժողովին, և ԱԱԾ-ն որոշել էր հենց այնտեղից բերման ենթարկել վերջինիս։ Ինքը՝ Սրբազանը հայտարարեց, որ վախենալու որևէ բան չունի ու կգնա, որպեսզի վտանգի տակ չդնի մյուս հոգևորականներին, սակայն հավատավոր ժողովուրդը թույլ չտվեց, որ նա նստի ԱԱԾ մեքենան ու գնա։
Այս պահին անդադար հնչում են եկեղեցու զանգերը, դրսում լարված իրավիճակ է, ներսում՝ սպասողական։
Նարե Գնունի