Այսօր առավոտյան ժամը 8:00-ից իրավապահները գործողություններ են իրականացնում ՀԷՑ-ի տնօրենների խորհրդի նախագահ Նարեկ Կարապետյանի տանը և ՀԷՑ-ի գլխավոր գրասենյակում:
MediaHub–ին հաստատեցին, որ Նարեկ Կարապետյանի տանը խուզարկություն է իրականացվում։
MediaHub-ը հետաքրքրվեց Քննչական կոմիտեից՝ ի՞նչ գործի շրջանակներում են խուզարկությունները: ՔԿ–ի մամուլի քարտուղար Կիմա Ավդալյանը նշեց․ «Քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում և Երևան քաղաքի քննչական վարչությունում նախաձեռնված քրեական վարույթների շրջանակներում կատարվում են անհետաձգելի քննչական գործողություններ: Առաջիկայում հանդես կգանք պաշտոնական հաղորդագրությամբ»։
Նշենք, որ քիչ առաջ հայտնի դարձավ, որ Սամվել Կարապետյանը դատական հայցեր է ներկայացրել վարչապետի մամուլի խոսնակ Նազելի Բաղդասարյանի, վարչապետի աշխատակազմի ղեկավարի տեղակալ Տարոն Չախոյանի և քաղաքագետ Հարություն Մկրտչյանի դեմ: Նա յուրաքանչյուրից պահանջում է հրապարակային ներողություն խնդրել իրեն հասցեագրված վիրավորական արտահայտությունների համար, հրապարակային հերքել զրպարտությյուններն ու որպես վիրավորանքի և զրպարտության փոխհատուցում վճարել 9 միլիոն ՀՀ դրամ։
Մարիաննա Արամյան