Մեծահասակ բնակչության մոտ 20 տոկոսը տառապում է ականջների զնգոցներից, դրա առաջացման բազմաթիվ պատճառներ կան, բայց կան իրավիճակներ, երբ մարդը շտապ պետք է դիմի բժշկի, հայտնել է ռուսական «Ամենակարևորի մասին» հեռուստաշոուի հաղորդավար, բժիշկ Ալեքսանդր Մյասնիկովը։

Մասնագետի խոսքով՝ անհրաժեշտ է բժշկի դիմել, երբ աղմուկը միակողմանի է, երբ այն զարկերակային է, երբ առաջանում է գլխապտույտ կամ ականջներում ցավ: Այս դեպքերում ականջների զնգոցը կարող է վկայել լսողական նյարդի շվանոմայի կամ ուղեղի անևրիզմայի մասին: