Երեք օր առաջ ենք այցելել Լիդյային, ոգին տեղն է, գիտի՝ ինչի համար է պայքարում։ Այդ մասին MediaHub-ի հետ զրույցում ասաց «Սրբազան պայքարի» ակտիվիստ Լիդյա Մանթաշյանի փաստաբանական թիմից Էմին Խաչատրյանը։
Նա տեղեկացրեց, որ Լիդյան «դուխը» տեղը սպասում է, թե ինչ կորոշի Վերաքննիչ դատարանը։
«Վերաքննիչ բողոք ենք ներկայացրել, որ խափանման միջոց կալանքը փոփոխվի, բայց եթե այս փուլում հնարավոր չլինի ամբողջ ծավալով փոխել այն, ապա առնվազն պետք է տանել տնային կալանքի կամ վարչական հսկողության՝ համակցած այլընտրանքային այլ խափանման միջոցներով»,- նշեց Խաչատրյանը։
Հիշեցնենք, որ հունիսի 26-ին Լիդյա Մանթաշյանը երկու ամսով կալանավորվեց։
Նրան ձերբակալել էին հունիսի 25-ին, ըստ ՔԿ-ի՝ «ՀՀ-ում աhաբեկչшկան և իշխանությnւնը զավթելnւն ուղղված գործողություններ իրականացնելու» գործի շրջանակում։
Տեղեկացնենք, որ Մանթաշյանին այցելելու հնարավորություն ունեն փաստաբանն ու մերձավոր ազգականները։
Նարե Գնունի