Կրծքագեղձերի առողջության ֆիզիոթերապևտ Ջո Ուեյքֆիլդ-Սքարը խոսել է կրծկալներից հրաժարվելու որոշման հետևանքների մասին։
Նրա խոսքերն է մեջբերել Metro-ն:
Ըստ Ուեյքֆիլդ-Սքարի՝ կրծկալից հրաժարվելը գործնականում ոչ մի ազդեցություն չունի փոքր կուրծք ունեցող կանանց վրա:
Սակայն, եթե դրանք մեծ են, նման որոշումը կարող է որոշակի հետևանքներ ունենալ: Բժիշկը բացատրել է, որ միջինում յուրաքանչյուր կուրծք կշռում է 750 գրամ: «Սա կարող է խնդիր լինել, քանի որ այս քաշը պահվում է միայն մաշկի և կապանների վրա», - զգուշացրել է բժիշկը:
Մասնագետը պարզաբանել է, որ տարիքի հետ մաշկը ձգվում է, և որքան շատ զանգված է սեղմվում դրա վրա, այնքան ավելի արագ է դա տեղի ունենում: «Եթե դուք կրծկալ չեք կրում, մաշկն ավելի արագ է ձգվում, կուրծքը կախվում է՝ մաշկի վրա ձգվածքներ թողնելով», - բացատրել է Ուեյքֆիլդ-Սքարը:
Բժիշկը նաև նշել է, որ ներքնազգեստից հրաժարվելը մեծացնում է կրծքագեղձի տակ մանրէների տարածման ռիսկը: Մաշկից մաշկի շփումը ստեղծում է խոնավ միջավայր, որը իդեալական է միկրոօրգանիզմների համար: