Երկարակեցության հետազոտող Դեն Բութները սուրճն անվանել է երկարակեցության լավագույն ըմպելիք և պատմել, թե ինչպես այն ճիշտ խմել։
Նա իր կարծիքով կիսվել է Instagram-ում, գրել է «Mirror»-ը։
Բութները նշել է, որ սուրճը երկարակեցության լավագույն ըմպելիքներից մեկն է։ Սակայն, նրա կարծիքով, կա մեկ կարևոր գաղտնիք այս ըմպելիքը խմելու համար` միշտ այն խմել միայն առավոտյան։
«Եթե կեսօրից առաջ մեկ կամ երկու բաժակ սուրճ խմեք, դա իրականում կնվազեցնի սրտանոթային հիվանդությունների ռիսկը», - ասել է նա։
Բութները խորհուրդ է տվել ընտրել թեթև բոված սուրճ, քանի որ այն ավելի շատ հակաօքսիդանտներ ունի, ինչպես նաև խմել այն առանց շաքարի, կաթի և այլ հավելումների։ Նրա կարծիքով՝ հենց այս տեսքով է ըմպելիքը տալիս ամենամեծ օգուտն ու չի վնասում։