Սննդաբան Նատալի Ռիցցոն Today հրատարակությանն ասել է, թե որքան պետք է լինի նախաճաշի օպտիմալ կալորիականությունը։
«Շատերը կարծում են, որ նախաճաշին մեկ բաժակ սուրճը բուլկիով բավարար կլինի։ Ոմանք նույնիսկ հպարտանում են, որ առավոտյան այդքան քիչ են ուտում։ Իրականում, 200 կամ պակաս կալորիա ուտելը խորտիկ է, այլ ոչ թե լիարժեք սնունդ», - բացատրել է Ռիցցոն։
Նա ասել է, որ քիչ նախաճաշը հանգեցնում է կենտրոնացման նվազմանը, ուժի կորստին և օրվա ընթացքում ինչ-որ անառողջ բան խորտիկ անելու ցանկությանը։
Սննդաբանի կարծիքով՝ առողջական խնդիրներ չունեցող մեծահասակը պետք է նախաճաշին ուտի 350-ից մինչև 600 կիլոկալորիա։
Ըստ նրա՝ որոշ մարդկանց համար առավոտյան կերակուրի կալորիականությունը կարող է նույնիսկ ավելի բարձր լինել։ Ռիցցոն ընդգծել է, որ բարձր կալորիականությամբ նախաճաշը, որը ներառում է սպիտակուցի, առողջ ճարպերի և ածխաջրերի աղբյուրներ, շատ ավելի առողջարար է, քան բարձր կալորիականությամբ ընթրիքը։