ՀՀ-ում մետալուրգիան զարգացնելու նոր ծրագրեր կիրականացվեն։ Այդ մասին այսօր ԱԺ-ում ասաց էկոնոմիկայի նախարար Վահան Քերոբյանը։
Նրա խոսքով՝ ՀՀ-ում մետաղական կիսապատրաստվածքների արտադրությունը պետք է խթանվի։
«Մենք 750 նոր աշխատատեղ ենք ստեղծել, չորս նոր գործարան հիմնել»,- ներկայացրեց նա։
Հիմա առաջարկվում է տուրք դնել մետաղի կիսապատրաստվածքների արտահանման համար։
«Այդպիսով կխթանենք ՀՀ-ում մետաղյա իրերի ամբողջական պատրաստմանը»,- նշեց Քերոբյանը։
Նա տեղեկացրեց, որ օրենքն ուժի մեջ կմտնի 2025-ի հունվարի մեկին։
Մանրամասները՝ տեսանյութում։