Սեպտեմբերի 22-ին, երբ փողոցային ակցիաներ կային, դրա շրջանակներում ինձ կալանավորեցին, իբր ես եմ ոստիկաններին ծեծել, երբ իրականում հակառակն էր։ Այդ գործով ես հայտնվեցի ազատության մեջ, քանի որ պատգամավորական մանդատ ստացա, բայց գործը չէր փակվել, շարունակվում էր։ Այս մասին լրագրողների հետ զրույցում ասաց ԱԺ «Հայաստան» խմբակցության պատգամավոր Լևոն Քոչարյանը։
«Երեկ ինձ և իմ ընկեր Սերգեյ Ասատուրովին կանչեցին, գործի ավարտ հայտարարեցին, իմ ընկերոջը նույնպես մեղադրանք առաջադրեցին նույն հոդվածով։ Գործը ուղարկեցին դատարան։ ՀՀ հարկատուները գումար են վճարում քննիչներին ու դատախազներին, որ աբսուրդով զբաղվեն. սա ուղղակի ծիծաղալու է։ Իմ մեղադրանքը կայանում է նրանում, որ մի քանի ոստիկան կեղծ ցուցմունք են տվել, որը ո՛չ տեսանյութով, ո՛չ մի ձև չի հաստատվել, որ իբր ես իրենց հարվածել եմ: Նման ցուցմունք տվել են երկու հոգի»,- ասաց Քոչարյանը։
Մանրամասները՝ տեսանյութում