MediaHub-ի տեղեկություններով՝ «Gold's Gym» սպորտային ակումբում քննչական գործողություններ են իրականացվում։ Մարզվողներին հեռացնում են տարածքից՝ առանց որևէ պատճառաբանության։

Ըստ մեր տեղեկությունների՝ իրավապահներն այս պահին էլ այնտեղ են։

ՀՀ Քննչական կոմիտեից հաստատեցին մեր լուրերը՝  նշելով, որ հարկեր թաքցնելու քրեական վարույթի շրջանակներում են կատարվում քննչական գործողություններ։

Ավելի վաղ հայտնել էինք, որ իրավապահները մտել են «Reebok» սպորտային ակումբ․ մարզվողներին դուրս են հանել։ Այս դեպքում ևս քննչական գործողությունները կապված էին հարկեր թաքցնելու վերաբերյալ քրեական վարույթի հետ։