Միացյալ Նահանգները և Իսրայելը կապի մեջ են եղել Սուդանի և Սոմալիի, նաև միջազգայնորեն չճանաչված Սոմալիլենդի իշխանությունների հետ՝ տեսնելու, թե արդյոք նրանք կարող են ընդունել պաղեստինցիներին Գազայի հատվածից հեռանալիս, հաղորդել է AP-ն՝ վկայակոչելով ամերիկացի և իսրայելցի պաշտոնյաների:
ԱՄՆ-ը և Իսրայելը դիմել են Արևելյան Աֆրիկայի երեք կառավարությունների՝ սկսելու քննարկումներ իրենց տարածքները որպես Գազայի հատվածից պաղեստինցիների վերաբնակեցման հնարավոր վայրեր օգտագործելու շուրջ՝ ԱՄՆ նախագահ Դոնալդ Թրամփի ծրագրերին համապատասխան, հայտնել են գործակալության աղբյուրները:
Անհասկանալի է, թե ինչ մակարդակով են տեղի ունեցել այդ շփումները և արդյոք դրանք հաջող են եղել։ ԱՄՆ-ի և Իսրայելի խորհրդատվությունները Սուդանի, Սոմալիի և Սոմալիլենդի հետ սկսվել են փետրվարին։
Սպիտակ տունը և Իսրայելի վարչապետ Բենիամին Նեթանյահուի գրասենյակը հրաժարվել են մեկնաբանել այդ տեղեկությունը։