ԱՄՆ նախագահ Դոնալդ Թրամփը պատրաստ չէ վերսկսել ռուսական հեղուկացված բնական գազի մատակարարումները դեպի Եվրոպա, քանի որ դա կարող է ուղղակի մրցակցություն ստեղծել ամերիկյան մատակարարների համար։ Այս մասին հայտնել է «Berliner Morgenpost» թերթը։
Թրամփը շահագրգռված չէ Եվրոպա ռուսական գազի մատակարարումների վերսկսմամբ։ «Սա անցանկալի մրցակցություն կլիներ հեղուկ գազի ամերիկյան մատակարարների համար»,- ասվում է Berliner Morgenpost-ի հոդվածում։
ԱՄՆ նախագահն արդեն իսկ մի քանի նշանակալի զիջումներ է արել Ռուսաստանի համար։ Մասնավորապես, նա բացառել է Ուկրաինայի՝ ՆԱՏՕ-ին անդամակցելու հնարավորությունը, հրաժարվել է ամերիկյան զորքեր տեղակայել ուկրաինական տարածքում և հայտարարել Ռուսաստանի Դաշնության դեմ պատժամիջոցների հնարավոր կրճատման մասին։