Դրամի փոխարժեքը՝ այսօր
Եղանակը՝ այսօր
Միջազգային

Ոչ, չեմ կարծում, ձեր առաջին խնդիրը Չինաստանն է․ Մակրոնը՝ ԱՄՆ-ին

Blog Image

Ֆրանսիայի նախագահ Էմանուել Մակրոնը հայտարարել է, որ ԱՄՆ առաջնորդ Դոնալդ Թրամփը չպետք է վնասի ԵՄ տնտեսությանը մաքսատուրքեր սահմանելով։

«Եվրոպան ձեզ համար դաշնակից է, եթե ցանկանում եք, որ Եվրոպան ավելի շատ ներդրումներ կատարի անվտանգության և պաշտպանության ոլորտում, ապա չպետք է վնասեք եվրոպական տնտեսությանը` սպառնալով նրան մաքսատուրքերով»,- CNN-ին տված հարցազրույցում ասել է Մակրոնը։

Նրա կարծիքով՝ ԵՄ-ի հետ տնտեսական հարաբերություններն ԱՄՆ-ի գլխավոր խնդիրը չեն։

«Տեսեք, ես կարծում եմ, որ ներկա համատեքստում սա առաջնահերթություն չէ: Հաշվի առնելով այն բոլոր խնդիրները, որոնց մենք բախվում ենք», - ասել է Ֆրանսիայի նախագահը։

«Իմ առաջին հարցը Միացյալ Նահանգներին. Եվրամիությո՞ւնն է ձեր առաջին խնդիրը, ոչ, չեմ կարծում, ձեր առաջին խնդիրը Չինաստանն է»,- պարզաբանել է Մակրոնը։

Ֆրանսիայի արտաքին գործերի նախարար Ժան Նոել Բարոն TF1 հեռուստաալիքին տված հարցազրույցում ասել է, որ իր երկիրը և Եվրամիությունը պատրաստ են արձագանքել, եթե ԱՄՆ նախագահ Դոնալդ Թրամփը մաքսատուրքեր սահմանի եվրոպական ապրանքների համար։

«Դոնալդ Թրամփն արդեն դա արել է 2018 թվականին։ Եվ մենք այն ժամանակ արձագանքեցինք: Այս անգամ կրկին կարձագանքենք»,- ասել է Բարոն։ 

Send