ԱՄՆ պետքարտուղար Էնթոնի Բլինքենը հեռախոսազրույց է ունեցել Պաղեստինի նախագահ Մահմուդ Աբասի հետ, որի ընթացքում նա Իսրայելի եւ Պաղեստինի իշխանություններին կոչ է արել անհապաղ անցնել Հորդանան գետի արեւմտյան ափին լարվածության թուլացմանը, շաբաթ օրը հայտնել է Պետդեպարտամենտի մամուլի ծառայությունը։
«Պետքարտուղարն ընդգծել է Հորդանան գետի Արեւմտյան ափին տիրող իրավիճակի վերաբերյալ իր խորը մտահոգությունը, ներառյալ՝ ինչպես պաղեստինցիների, այնպես էլ իսրայելցիների աճող լարվածության աճով, բռնությամբ եւ մահերով, եւ ընդգծել է բոլոր կողմից իրավիճակի հրատապ դեէսկալացիայի անհրաժեշտությունը»,- ասվում է ԱՄՆ դիվանագիտական առաքելության տարածած հայտարարության մեջ։
Բացի այդ, ինչպես նշվում է, Բլինքենը Աբասի հետ քննարկել է «պաղեստինյան ժողովրդի կյանքի որակի բարելավման, ինչպես նաեւ նրա անվտանգության ու ազատության ամրապնդման համատեղ ջանքերը»։
«ԱՄՆ պետքարտուղարը նաեւ հաստատել է երկու պետությունների համակեցության հարցի լուծմանը (Իսրայելի եւ Պաղեստի հակամարտության) ԱՄՆ հանձնառությունը»,- ասվում է հայտարարության մեջ։