Դրամի փոխարժեքը՝ այսօր
Եղանակը՝ այսօր
Միջազգային

Ռումինիան ավելի քան 30 հատ F-16 կործանիչների գնման պայմանագիր է կնքել Նորվեգիայի հետ

Blog Image

Ռումինիայի պաշտպանության նախարարությունը Նորվեգիայի պետական պաշտպանական գնումների Forsvarsmateriell (FMA) գերատեսչության հետ եռամյա պայմանագիր է կնքել՝ M6.5.2 կոնֆիգուրացիայի 32 F-16AM/BM կործանիչներ գնելու համար, որոնք նախկինում եղել են Նորվեգիայի ՌՕՈՒ-ի սպառազինության մեջ, հայտնում է bmpd Telegram-ալիքը։

Նշվում է, որ պայմանագիրը ներառում է պահեստային շարժիչներ, պահեստամասեր եւ նյութատեխնիկական ապահովում, ինչպես նաեւ վերգետնյա տեխնիկական անձնակազմի վերապատրաստում։

«Եռամյա պայմանագրի արժեքը կազմում է 388 միլիոն եվրո, Ռումինիային կործանիչների փոխանցումը կսկսվի մինչեւ 2023 թվականի վերջը եւ պետք է ավարտվի 2024 թվականի ընթացքում։ Բոլոր օդանավերը Ռումինիա կառաքվեն աշխատանքային վիճակում՝ առկա ռեսուրսով, ինչը Ռումինիայի ռազմաօդային ուժերին թույլ կտա դրանք շահագործել առնվազն 10 տարի»,- ասվում է հեռուստաալիքի հաղորդագրության մեջ:

Հաղորդվում է, որ Ռումինիան Նորվեգիային պաշտոնական հայտ է ուղարկել 2021 թվականի նոյեմբերին շահագործումից հանված 32 F-16AM/BM կործանիչների ձեռքբերման համար: Դրանց գնման պայմանագիրը կնքել է Ռումինիան՝ ԱՄՆ կառավարության աջակցությամբ եւ մասնակցությամբ։

Send