Գիշերային հրետակոծության ժամանակ վնասվել է էլեկտրահաղորդման գիծը։ Դրա պատճառով ատոմակայանը հոսանքազրկվել է և անցել է դիզելային գեներատորների օգտագործման․ հաղորդում է «Настоящее время» հեռուստաալիքը։
Ուկրաինական «Էներգոատոմը» դրանում մեղադրել է ռուսական կողմին և ասել, որ այս ռեժիմով գեներատորների շահագործման համար վառելիքի պաշարները կբավականացնեն տասը օր։ «Գնդակոծությունների և բոլոր գծերի վնասման պայմաններում էներգաբլոկները գործարկելու ծրագրերն անիրատեսական են»,- նշել են ընկերությունում։
Զապորոժիեի շրջանի վարչակազմի ներկայացուցիչ Վլադիմիր Ռոգովը մեղադրել է ուկրաինական կողմին էներգամատակարարման գիծը գնդակոծելու և վնասելու մեջ։