Եվրամիության (ԵՄ) շատ երկրներ Պրահայում ոչ պաշտոնական գագաթաժողովում որոշել են աջակցել գազի եւ էլեկտրաէներգիայի գների տարանջատման նախաձեռնությանը։ Այս մասին հայտարարել է միությունում նախագահող Չեխիայի վարչապետ Պետր Ֆիալան. հայտնում է «Փրայմը»։
«Եվրամիության ավելի ու ավելի շատ անդամ երկրներ են աջակցում գազի գնի անջատմանը էլեկտրաէներգիայի գնից, իսկ դա կնշանակի գների ընդհանուր իջեցում ինչպես բնակչության, այնպես էլ ձեռնարկությունների համար»,- ասել է Ֆիալան:
Նրա խոսքով, անհրաժեշտ է նաեւ հնարավորություններ փնտրել խոշոր ընկերություններին օգնելու համար։ Միեւնույն ժամանակ, խնդիրների լուծման հարցում աջակցության առումով չպետք է որեւէ «մրցակցություն» լինի, քանի որ բոլորի համար առավել ձեռնտու է համաեվրոպական լուծում փնտրելը։