Ուկրաինայի նախագահ Վլադիմիր Զելենսկին հանդիպել է ԱՄՆ փոխնախագահ Ջեյ Դի Վենսի հետ։
Հանդիպումը տեղի է ունեցել Գերմանիայի Մյունխեն քաղաքում, որտեղ ընթացել է Մյունխենի անվտանգության 61-րդ համաժողովը, գրել են ԶԼՄ-ները։
Զելենսկիի խոսքով՝ նա հանդիպել է նաև ԱՄՆ պետքարտուղար Մարկո Ռուբիոյի, Ուկրաինայի և Ռուսաստանի հարցերով ԱՄՆ նախագահ Դոնալդ Թրամփի հատուկ ներկայացուցիչ Քիթ Քելլոգի հետ։
Բանակցությունների առանցքային թեման եղել է ռուս-ուկրաինական պատերազմը։
Զելենսկին նշել է, որ անհամբեր սպասում է Կելլոգի այցին Կիեւ։
«Մեր թիմերը կշարունակեն աշխատել փաստաթղթի վրա»,- գրել է Ուկրաինայի նախագահը։
Զելենսկին ընդգծել է. «Մենք պատրաստ ենք հնարավորինս արագ շարժվել դեպի իրական ու երաշխավորված խաղաղություն։ Մենք բարձր ենք գնահատում նախագահ Թրամփի վճռականությունը՝ օգնելու դադարեցնել պատերազմը և Ուկրաինային ապահովել արդարության և անվտանգության երաշխիքներ»։