Ռուսաստանի առաջնորդ Վլադիմիր Պուտինը հավաքում է ծանր քաշայինների թիմ՝ տասնամյակների բարձր մակարդակի բանակցային փորձով, աշխատելու ԱՄՆ նախագահի ներկայացուցիչների հետ:

Այս մասին հայտնել է Bloomberg գործակալությունը։

Պուտինը թիմ է հավաքում ԱՄՆ-ի հետ Ուկրաինայի բանակցությունների համար:

Բանակցային թիմում ընդգրկված են նաև Կրեմլի արտաքին քաղաքականության գլխավոր խորհրդական Յուրի Ուշակովը և ՌԴ արտաքին հետախուզության ծառայության տնօրեն Սերգեյ Նարիշկինը, ով Ռուսաստանի ղեկավարի հետ ծառայել է ՊԱԿ-ում, ըստ անանուն աղբյուրների:

Սթենֆորդում և Հարվարդում կրթություն ստացած ֆինանսիստ Կիրիլ Դմիտրիեւը, որը կապեր ունի Կրեմլի առաջնորդի ընտանիքի հետ, կարող է առանցքային դեր խաղալ որպես Թրամփի բանակցողների հետ հաղորդակցության ոչ պաշտոնական ալիք:

Դմիտրիեւը փորձ ունի ԱՄՆ-ում և այնպիսի ընկերություններում, ինչպիսիք են McKinsey & Co. և Goldman Sachs Group Inc.-ը։ Սա ենթադրում է, որ Պուտինը պատրաստ է ադապտացվել ԱՄՆ-ի ոչ սովորական նախագահի հետ գործ ունենալիս:

77-ամյա Ուշակովը ավելի քան 1 տասնամյակ ծառայել է որպես Պուտինի օգնական, եղել է ԱՄՆ դեսպանը 1998-2008 թվականներին:

70-ամյա Նարիշկինը Ռուսաստանի ղեկավարի երկարամյա վստահելի անձնավորությունն է, որը նրա հետ աշխատել է ավելի քան 4 տասնամյակ: Նարիշկինը հինգշաբթի օրը լրագրողներին ասել է, որ Կրեմլն արդեն հրամայել է շարունակել շփումները ԱՄՆ հետախուզական գործակալությունների հետ չորեքշաբթի օրը Թրամփի և Պուտինի հեռախոսազրույցից հետո։

Ե՛վ Ուշակովը, և՛ Նարիշկինը ներգրավված էին Ուկրաինայի հետ հրադադարի շուրջ բանակցություններում 2022 թվականին Ռուսաստանի կողմից լայնամասշտաբ գործողությունից անմիջապես հետո:

Դմիտրիեւն այս ամիս մասնակցել է ամերիկացի ուսուցիչ Մարկ Ֆոգելին ռուսական բանտից ազատելու բանակցություններին:

Դմիտրիևը ծնվել է Կիեւում և վերադարձել Ռուսաստան McKinsey և Goldman Sachs ընկերություններում աշխատելուց հետո: Նա պատժամիջոցների տակ է ԱՄՆ-ի կողմից, որը նրան համարում է «Պուտինի հայտնի դաշնակիցը»։ Նա ամուսնացած է Պուտինի կրտսեր դստեր մտերիմ ծանոթի հետ։ Ռուսաստանից դուրս նա առավել հայտնի է որպես ռուսական «Sputnik V» Covid-19 պատվաստանյութի գլխավոր խթանող։

Բանակցային ջանքերին կարող են միանալ նաև Ռուսաստանի Դաշնության 2022 թվականի բանակցային խմբի այլ անդամներ։ Կրեմլին մոտ կանգնած մարդու կարծիքով՝ նրանց թվում կարող է լինել Ռուսաստանի ղեկավարի օգնական Վլադիմիր Մեդինսկին։