Մենք հասել ենք նրան, որ Էրդողանը հրապարակային ասում է՝ ուզո՞ւմ եք սահմանը բացվի, գնացեք խելոք ինչ Ալիևը ասում է, արեք։ Եվ իհարկե Նիկոլ Փաշինյանը և իր թիմը Թուրքիան սարքել է գործուն և ուղիղ միջնորդ։ Այս մասին ասուլիսում հայտարարեց ՀՀԿ-ական Էդուարդ Շարմազանովը:
Նրա խոսքով, Էրդողանն արդեն Ռուսաստանի և Հայաստանի հարաբերությունների մեջ է դարձել միջնորդ, Նիկոլ Փաշինյանն ավելի շատ Էրդողանի հետ է խոսում, քան դաշնակիցների։
«Նիկոլ Փաշինյանը, երբ ասում է անկախություն, ինքը չի ընկալում անկախություն պետության առումով, ինքն ասում է անկախություն Ռուսաստանի ազդեցությունից և մուտք Թուրքիայի ազդեցության տակ։ Այս ողբերգական իրավիճակում ես միայն դրական եմ գնահատում ռուսական Կարմիր խաչի կողմից բեռնատարի մուտքը Ստեփանակերտ։ Ռուսաստանը ցույց տվեց, որ իր համար արցախահայության ճակատագիրը երկրորդական չի, այլ կարևոր է»,- հայտնեց Շարմազանովը։
Մանրամասն՝ տեսանյութում