Բրիտանացի աստղագետ և լրագրող Դեյվիդ Ուայթհաուսը կարծում է, որ նոր հայտնաբերված 2024 YR4 աստերոիդից Երկրի հետ բախման վտանգը կարող է պահանջել միջուկային զենքի օգտագործում՝ այն իր վտանգավոր հետագծից շեղելու համար։

ԱՄՆ տիեզերական NASA-ն փետրվարի 8-ին հայտնել է, որ 2032 թվականին նոր հայտնաբերված 2024 YR4 աստերոիդի՝ Երկրին բախվելու հավանականությունը աճել է մինչև 2,3%:

«2024 YR4»-ը ներկայումս միակ աստերոիդն է, որի հավանականությունը 1%-ից ավելի է Երկրի հետ բախվելու։

ՆԱՍԱ-ի տվյալներով՝ աստերոիդի տրամագիծը կարող է հասնել մինչև 90 մետրի։ ՆԱՍԱ-ն ավելացրել է, որ նախատեսում է 2025 թվականի մարտին Ջեյմս Ուեբ աստղադիտակով դիտել աստերոիդը՝ դրա չափերն ավելի ճշգրիտ որոշելու համար։

«Մենք կարող ենք նույնիսկ մտածել այս աստերոիդի մակերեսին միջուկային զենք արձակելու կտրուկ միջոցի մասին՝ այն հետագայում շեղելու համար», - ասել է Ուայթհաուսը «Sky News»-ին: