Ուկրաինայի նախագահ Վլադիմիր Զելենսկին առաջ է քաշել ուկրաինական բանակի մասնակցությամբ միասնական եվրոպական զինված ուժեր ստեղծելու գաղափարը։ Զելենսկին ելույթ է ունեցել փետրվարի 15-ին Մյունխենի համաժողովում։
Ըստ նրա՝ քանի որ ժամանակաշրջանը, երբ «կարելի էր հույս դնել ԱՄՆ-ի վրա, անցյալում է»։
«Բազմաթիվ առաջնորդներ խոսել են այն մասին, որ Եվրոպան պետք է ունենա իր բանակը՝ Եվրոպայի բանակը։ Ես կարծում եմ, որ եկել է ժամանակը։ Եվրոպայի զինված ուժերը պետք է ստեղծվեն...»,- ի թիվս այլնի՝ ասել է Զելենսկին։
Բացի այդ, նա առաջարկել է ուկրաիներեն ելույթ ունենալ, սակայն նրան թույլ չեն տվել։
Անդրադառնալով Ուկրաինայում պատերազմի դադարեցման հնարավոր պայմաններին՝ Զելենսկին ասել է, որ երբևէ չի համաձայնի իր մեջքի ետևում կնքված պայմանավորվածություններին:
Նա նաև ընդգծել է, որ մտադիր չէ ՆԱՏՕ-ին Ուկրաինայի անդամակցության հարցը հանել բանակցային սեղանից։