ԱԺ ՔՊ խմբակցության քարտուղար Արթուր Հովհաննիսյանն այսօր Կառավարության հետ հարցուպատասխանի ժամանակ հարց ուղղեց տարածքային կառավարման և ենթակառուցվածքների նախարար Գնել Սանոսյանին՝ ճանապարհների վատ վիճակի մասին, որ ամենուր փոսեր են՝ հիշեցնելով, որ ամեն տարի այս խնդրին բախվում ենք։
«Մենք ի՞նչ կարճաժամկետ լուծում ունենք, որովհետև ասեմ Ձեզ, որ մեքենաներ են ջարդվում, վթարներ են տեղի ունենում, մենք ի՞նչ կարճաժամկետ լուծումներ ունենք, և, առհասարակ, մեր մոտեցումն ինչպիսի՞ն է այդ հարցին, որովհետև մենք ամեն տարի այս խնդրին բախվում ենք»,-հարցրեց ՔՊ-ականը նախարարին։
Գնել Սանոսյանն էլ պատասխանեց, որ ունեն երկու՝ ամառյին և ձմեռային պահպանության ռեժիմ, և այդ աշխատանքները պլանավորում են հիմնականում ապրիլի 1-ից մինչև նոյեմբեր հատվածը, այսինքն՝ ամառային ռեժիմի հատվածում, որպեսզի ձմռանը դրանք պատշաճ ծառայեն։
«Մենք, որպես կանոն, հիմնականում եղանակային պայմանները հաշվի առնելով, սկսում ենք ապրիլի սկզբից փոսալցումները, եթե եղանակային պայմանները թույլ տան, բայց, իհարկե, սպասարկողները կարող են այլ նյութերով ժամանակավոր լուծում գտնել, մինչև եղանակային պայմանները թույլ կտան ասֆալտ-բետոնով ծածկույթով այդ աշխատանքները կատարել»,- ասաց Սանոսյանը։
Մանրամասն՝ տեսանյութում